Tej Hom PAR
Youth Participatory Action Research (YPAR)
Yog dab tsi?
YPAR yog ib txoj hauv kev txhim kho zej zog uas cov hluas yog cov coj. Lawv koom tes nrog cov neeg laus los tsim los sis los nrhiav kev daws tej yam teeb meem lawv pom thiab paub txog.
Daim video no yog cov tub ntxhais hluas qhia txog YPAR thiab lub hom phiaj nyob rau hauv YPAR
Ntawm no yog tej yam hauj lwm uas siv YPAR
YoUthROC
YoUthROC yog ib pab pawg tub ntxhais hluas tshawb fawb hauv zej zog thiab tsev kawm ntawv qib siab uas ua hauj lwm nyob rau hauv North Minneapolis. Pab no muaj lub hom phiaj xav
- muab kev txhawb nqa thiab kev cob qhia rau cov hluas tshawb fawb;
- khiav hauj lwm YPAR kom txhawb peb lub hom phiaj los tsim ib qho chaw tshawb fawb rau cov neeg hluas uas yog BIPOC (Black, Indigenous, and people of color) uas sawv daws siv tau.
- ua ib qho chaw rau luag pom kev sib raug zoo, txhawb kev sib txuas, thiab txhawb nqa kev sib koom tes hauv zej zog;
- qhov tom qab txais cov chaw nyob Northside thiab muab lawv hloov mus ua tej qho chaw uas ua hauj lwm rau zej zog cov tub ntxhais hluas BIPOC.
Nyob rau lub caij paj tawg xyoo 2022, YoUthROC tau luam tawm ib phau ntawv xov xwm hu ua YPAR Project Magazine about Centering BIPOC Youth. Phau no sau raws ib txoj hauj lwm YPAR uas yog tshawb txog cov hluas BIPOC nyob rau hauv tsev kawm ntawv thiab cov chaw hauv zej zog.
Nyeem YoUthROC tsab xov xwm tshiab qhia txog neeg hluas kev tawm tsam. Yog qhia los ntawm tub ntxhais hluas tshawb fawb kev pom thiab kev paub thaum lawv tsim cov txheej txheem qhia ntawv uas txhawb neeg hluas.
@youthroc.umn nyob rau hauv Instagram.
Echoes of Incarceration
Echoes of Incarceration yog ib txoj hauj lwm nyob hauv New York uas qhia cov tub ntxhais hluas raug cuam tshuam los ntawm kev ua txhaum cai lij choj kom lawv paub siv cov yeeb yaj kiab los tham txog lawv cov kev paub dhau los. Tsis tas li ntawd, yog yuav los qhia cov neeg uas muaj feem cuam tshuam seb txoj kev ncaj ncees cuam tshuam cov neeg hluas li cas nyob rau hauv teb chaws Meskas. Txoj kev pib ua no yuav xav kom cov tub ntxhais hluas kawm ua yeeb yaj kiab los ntawm cov chaw cob qhia. Thaum txog cov theem kawg lawm, cov tub ntxhais ua yeeb yaj kiab hlob yuav muaj peev xwm koom tes nrog cov koom haum loj xws li Democracy Now!, Upworthy, thiab Sesame Street mus ua tej yam yeeb yaj kiab uas tseem ceeb thiab tshwj xeeb heev.
Tshwj xeeb tshaj yog thaum cov hluas no koom tes nrog lwm pab pawg. Lawv cov yeeb yaj kiab pub rau ntau tus neeg tuaj saib thiab kawm txog kev ua txhaum cai thiab kev raug txim. Li no yog lwm txoj hauv kev kawm uas yuav pab hloov pauv tib neeg kev coj cwj pwm thiab pej xeem cov cai uas lawv tau ua txog kev txhaum cai thiab kev ncaj ncees.
The Youth Researchers for a New Education System Project (YRNESP)
YRNESP yog ib txoj hauj lwm uas tau tshwm sim xyoo 2007, txhawb nqa los ntawm Collective of Researchers on Educational Disappointment and Desire (CREDD). Txoj hauj lwm no tau siv cov kev tshawb fawb uas nug lus hauv ntawv, sib tham ib pab, thiab ib qho hu ua “problem tree” los sau New York City cov tub ntxhais kawm ntawv cov kev paub thiab lawv lub zeem muag rau pej xeem cov tsev kawm ntawv.
Tij lub sij hawm thaum lawv khiav lawv cov hauj lwm tshawb fawb, lawv muaj peev xwm nkag siab zoo dua rau cov tub ntxhais hluas txoj kev xav txog
Raws li cov kws tshawb fawb tau sau thiab txheeb xyuas cov ntaub ntawv, lawv muaj peev xwm nkag siab zoo dua rau cov tub ntxhais hluas txoj kev xav txog tsev kawm ntawv cov kev txhawb thiab lawv cov peev txheej. Qhov kev tshuaj ntsuam xyuas pub lawv los kho lawv cov lus nug hauv lawv txoj kev tshawb fawb thiab pab qhiav lawv txog ntau qhov tshwj xeeb ntawm kev txhawj xeeb thaum lawv khiav lawv txoj hauj lwm ntxiv mus.
CHAMACOS Youth Council (YC)
CHAMACOS Youth Council (YC) yog ib pawg tub ntxhais hluas nyob hauv Salinas, California. Lawv mob siab los daws cov teeb meem kev ncaj ncees txog kev noj qab haus huv nyob ib puag ncig, tsis hais cov huab cuaj, cov dej, los sis cov liaj teb. Lawv siv YPAR khiav lawv txoj hauj lwm no. Lawv ib qho hauj lwm ua tsis ntev los no yog qhov Health and Environmental Research in Make-Up of Salinas Adolescents (HERMOSA).
YC tau tso npe rau 100 tus ntxhais uas yog Latina nyob rau hauv Salinas, California los koom nrog kev tshawb fawb. YC tau nug lawv txog lawv cov cwj pwm thiab kev siv tshuaj pleev ntsej muag. Tsis tas li ntawd, tau coj lawv cov zis mus soj ntsuas nrhiav cov tshuaj uas nyob hauv tshuaj pleev ntsej muag.
Lawv qhov kev tshawb pom tau pab HERMOSA cov kws tshawb fawb hluas qhia lwm cov neeg hluas kom nkag siab tias qee cov khoom tu tus kheej ua rau lawv raug tshuaj lom. Yeej vim yog FDA kuaj thiab tswj tsis tau tag nrho cov tshuaj nyob hauv tshuaj pleev ntsej muag, HERMOSA cov kws tshawb fawb yuav tawm suab ntxiv mus kom hloov tau pej xeem cov cai.
Photovoice txoj kev hloov tau cov neeg raug tsim txom lub neej
Ob tug xibfwb hauv University of Nevada-Reno tau koom tes nrog cov tub ntxhais kawm ntawv nyob high school los khiav ib txoj hauj lwm tshawb fawb uas siv cov ntsiab lus ntawm “photovoice.” Lawv lub hom phiaj yog los sau cov kev cuam tshuam ntawm kev puas tsuaj ib puag ncig nyob hauv Nevada. “Photovoice” cov ntsiab lus yog li no:
- Duab txawj qhia.
- Cov duab yeem hloov tau txoj cai.
- Cov neeg zej zog yuav tsum koom nrog kev tsim thiab kev txhais cov duab uas tsim pej xeem cov cai kav kev noj qab haus huv.
- Cov txheej txheem xav kom cov neeg npaj coj cov thawj tswj hwm thiab lwm cov neeg muaj hwj los koom thaum pib.
- Photovoice muab tus kheej thiab zej zog txoj hau kev hloov saib tseem ceeb heev.
@researchforchangenv hauv Instagram
VOYCE
VOYCE (Voices of Youth in Chicago Education) yog ib txoj hauj lwm uas tau los ntawm kev ntseeg tias cov tub ntxhais hluas uas muaj feem raug cuam tshuam hauv kev kawm ntawv yog cov zoo tshaj plaws uas yuav los tsim kev daws teeb meem kom muaj nuj nqis thiab kom khiav mus ntev. VOYCE saib cov hauv nov muaj nuj nqis:
- Xav kom kev siv cov cai nruj nruj uas thawb cov tub ntxhais kawm ntawv tawm hauv tsev kawm ntawv thiab mus rau hauv tsev loj cuj xaus,
- Xav kom siv cov kev txhawb nqa, kev puas siab puas ntsws, thiab kev coj tus cwj pwm nrog rau kev qhuab qhia los tsim kev nyab xeeb thiab kev noj qab haus huv,
- Xav kom txwv tsis pub muab cov kev xeem ntawv los saib siab thiab yuav tsum tsim kom muaj tej chaw kawm zoo.
The YPAR Academy
Youth Participatory Action Research (YPAR) Academy yog ib qhov kev pab cuam los ntawm lub koom haum nyob rau hauv New Orleans hu ua Beloved Community. Lub koom haum no tau txhawb nqa cov tub ntxhais kawm ntawv hauv high school los khiav cov hauj lwm tshawb fawb uas muaj txiaj ntsig rau lawv thiab lawv cov zej zog. Cov tub ntxhais hluas tshawb fawb no tau txais nyiaj pab rau lawv txoj hauj lwm. Tsis tam li ntawd, lawv muaj feem tau txais nyiam hauj lwm thaum lub caij kawm ntawv kom lawv mus txuas ntxiv rau lawv txoj kev koom tes ua cov hauj lwm tshawb fawb uas siv zog los tsim “txoj kev daws teeb meem rau ntau haiv neeg, kev ncaj ncees, thiab kev suav txhua leej txhua tus” kom muaj “kev hlub” saib hlob.
Txij li xyoo 2022, YPAR Academy cov neeg koom nrog lawv tau khiav hauj lwm xws li kev tsa suaj ua nom ua tswv, kev qhia dab neeg hauv zej zog, kev noj qab haus huv tsis sib xws, thiab cov kev paub ntawm cov neeg raug kaw.
Polling for Justice
“Kev tshawb fawb txog cov tub ntxhais hluas feem ntau ua rau nws zoo li peb yog qhov teeb meem, tab sis peb xav qhia tias pej xeem cov cai thiab cov koom haum tsis txhawb qee pab neeg hos txhawb qee pab neeg.”
“Peb yog cov uas raug cuam tshuam los ntawm pej xeem cov cai. Vim li cas cov neeg tsim cai tsis nug peb seb peb xav li cas thiab peb xav hloov li dab tsi?”
“Peb siv kev ua yeeb yam los qhia peb cov ntaub ntawv ntawm kev kawm, kev noj qab haus huv rau pej xeem, thiab kev ua txhaum cai lij choj. Peb cia siab tias cov neeg tsim cai yuav mloog thiab yuav tau txais kev txhawb siab los nqis tes ua.”
Watch this video to find out more about the Polling for Justice project
Cov Kev Pab
Nrhiav kev pab ntxiv, nrog rau cov hauj lwm ntawm no, tom peb nplooj ntawv hu ua “cov kev pab.”
Teacher Action Research (TAR)
Yog Dabtsi?
“Teacher Action Research” (TAR) txhais tau hais tias “xib fwb kev nqis tes tshawb fawb.” Yog ib txoj hauv kev tshawb fawb rau xib fwb kom lawv nkag siab, ntsuam xyuas, thiab txhim kho lawv txoj kev qhia ntawv.
Watch this video to learn from Ryan Oto about what TAR is and its purpose
Tej Yam Hauj Lwm Uas Tau Siv TAR
Ryan Oto
Tam sim no Ryan Oto yog ib tug kws qhia ntawv hauv Brooklyn Center High School nyob rau hauv Minnesota. Nws ua hauj lwm nrog cov tub ntxhais kawm tshawb fawb YPAR tau ntau xyoo lawm. Xyoo 2016, thaum nws yog ib tug kws qhia keeb kwm thiab kev kawm txog kev sib raug zoo hauv Twin Cities, Oto tau nrog cov tub ntxhais kawm tiav hauv St. Paul Academy thiab Summit School kom “nkag siab zoo dua txog lawv kev kawm keeb kwm hauv chav kawm ntawm.” Nws koom tes nrog Anita Chikkatur sau ib tsab xov xwm tshuaj xyuas nws cov kev coj ua thiab nws cov tub ntxhais kawm cov kev kawm chav “History of Race” hauv ib lub tsev kawm ntawv dhau los.
Oto tseem ua hauj lwm YPAR, txhawb cov tub ntxhais kawm ntawv siv lawv tus kheej txoj kev paub thiab lub zog los txheeb xyuas thiab daws teeb meem hauv lawv cov zej zog.
Siv kev sib tham tsim kom muaj kev txaus siab rau kev suav lej
Tus kws qhia ntawv hauv tsev kawm theem nruab nrab hu ua Jessica Fricke tau coj ib txoj hauj lwm tshawb fawb nrog nws cov tub ntxhais kawm ntawv qib yim algebra nyob rau xyoo 2007. Fricke xav tias kev sib tham hauv chav kawm yuav txhim kho cov tub ntxhais kawm kev txaus siab rau algebra zoo dua kev xyaum. Fricke thiaj li sim qhov tswv yim no. Nws tau ua ib teg ntawv tshwj xeeb los tso cai rau cov tub ntxhais kawm ntawv sib tham txog cov txheej txheem sib koom teb cov lus.
Cov tub ntxhais kawm ntawv saib teg ntawv no yam li ib txoj hauv kev los sib tham thiab sib pauv tswv yim algebra kom lawv nkag siab zoo dua li qub. Yog li, Fricke pom tias kev sib tham hauv chav kawm lej pab txhim kho cov tub ntxhais kawm ntawv kev txaus siab thiab kev nkag siab, tab sis cov tub ntxhais kawm ntawv hais tias lawv tseem xav tau kev xyaum thiab. Fricke xaus lus tias ib teg ntawv uas muab kho kom muaj kev sib tham thiab kev xyaum yuav yog theem kev tshawb fawb tom ntej no.
Cov Kev Pab
Nrhiav kev pab ntxiv, nrog rau cov hauj lwm ntawm no, tom peb nplooj ntawv hu ua “cov kev pab.”
Community-Based Participatory Action Research (CBPAR)
Yog Dabtsi?
“Community-based” txhais tau hais tias “nyob rau hauv zej zog.” CBPAR yog ib txoj hauv kev tshawb fawb uas muaj neeg zej zog thiab cov kws tshawb fawb sib koom khiav txhua theem hauj lwm. Lawv lub hom phiaj yog yuav xav siv cov kev paub los hloov kev coj tsis ncaj ncees thiab cov kab ke coj no coj ua.
Tej Yam Hauj Lwm Uas Tau Siv CBPAR
Leading from the Roots
Leading from the Roots yog ib txoj hauj lwm PAR nyob rau hauv zej zog. Txoj hauj lwm no tshawb xyuas seb cov neeg zej zog kev coj noj coj ua hauv tsib lub nroog nyob rau hauv Washington puas txo tau cov cheeb tsam kev siv kev khiav lag luam uas tsis ruaj ntseg. Xav kom ntxiv dag zog rau cov zej zog nyob deb nroog, tsis hais kev lag luam los kev sib raug zoo.
Txoj hauj lwm no yog kev sib koom tes ntawm Arbutus Folk School thiab Fielding Graduate University thiab yog muaj lub hom phiaj siv CBPAR ua ib txoj hau kev nrhiav lwm cov tsev kawm ntawv nyob hauv teb chaws no uas yuav pab txhawb lawv txoj kev koom tes thiab kev cuam tshuam hauv lawv cov zej zog.
SoLaHmo Partnership – Kev Noj Qab Haus Huv Rau Neeg Somali, Latino, Thiab Hmoob
SoLaHmo Partnership for Health and Wellness yog ib pab pawg CBPAR nyob rau sab hnub poob hauv St. Paul, Minnesota, uas cov tswv cuab ntawm Somali, Latinx, thiab Hmoob cov zej zog ua hauj lwm nrog cov kws tshawb fawb thiab cov kws kho mob los txhawb kev noj qab haus huv thiab kev zoo siab zoo ntsws. Qhov kev sib koom tes no muaj ib lub hom phiaj, yog xav txheeb xyuas thiab tshawb nrhiav neeg zej zog kev xav tau kev noj qab haus. Thiab, tsis tas li ntawd los, yuav xav koom tes nrog lawv los nrhiav kev daws teeb meem, ua kom txoj kev noj qab haus huv yooj yim nrhiav me nstis thiab kom txhawb neeg zej zog kev xaiv noj qab haus huv.
Cov Kev Pab
Nrhiav kev pab ntxiv, nrog rau cov hauj lwm ntawm no, tom peb nplooj ntawv hu ua “cov kev pab.”
University-Community PAR (UCPAR) Collaborations
Yog Dabtsi?
University-Community PAR (UCPAR) kev sib koom tes feem ntau yog cov kws tshawb fawb hauv tsev kawm ntawv qib siab ncav tes rau cov neeg zej zog los koom tes tshawb fawb txog cov teeb meem hauv zej zog. Cov hauj lwm tshawb fawb no feem ntau yog yuav ua raws li cov kws tshawb fawb txoj kev kawm thiab yam uas lawv qhia ntawv txog.
Tej Yam Hauj Lwm Uas Tau Siv UCPAR
Anti-displacement: Tsev kawm ntawv qib siab thiab zej zog kev sib koom nyob ua ke
Drexel University lub School of Education tus xib fwb Ayana Allen-Handy, PhD, tau tsim ib txoj hauj lwm CBPAR hu ua Anti-Displacement. Cov kws tshawb fawb ntseeg hais tias yog tsis muaj kev kawm ntawv thiab kev tshaj tawm txog kev paub, yuav tsis muaj kev pib daws teeb meem hauv kev poob tsev poob chaw. Yog li, lawv xav kom muaj kev sib tham nrog cov neeg uas xav paub txog lwm txoj kev xaiv vaj tse pheej yig. Lawv vam tias txoj hauj lwm no yuav pab tsa suab qhia txog kev xaiv tsev hauv Mantua, Philadelphia.
Our HMoob American College Paj Ntaub
Tub ntxhais kawm ntawv HMoob Meskas nyob rau University of Wisconsin tab tom ua ib txoj hauj lwm tshuaj xyuas kev coj noj coj ua thiab koom hauv kev khiav hauj lwm uas cuam tshuam HMoob Meskas txoj kev kawm ntawv qib siab. Lawv siv kev sib tham thiab kev soj ntsuam nrog cov tub ntxhais kawm ntawv qib siab uas yog HMoob Meskas. Tsis tas li ntawd, lawv tseem siv ntaub ntawv los ntawm lawv lub tsev kawm ntawv thiab. Txoj hauj lwm no xav nkag siab zoo dua txog cov tub ntxhais kawm ntawv lub neej kawm ntawv qib siab.
Collaborative Indigenous Research Digital Garden
Collaborative Indigenous Research Digital Garden (CIRDG) yog ib cov ntaub ntawv khaws cia los ntawm xib fwb Eve Tuck thiab pab Graduate Student Researcher nyob rau hauv Tkaronto CIRCLE Lab. CIRDG yog ib qho kev pab rau cov neeg uas xav kawm txog cov hauj lwm uas siv kev tshawb fawb Indigenous thiab cov ntaub ntawv hais txog cov txheej txheem tshawb fawb Indigenous. CIRDG lub hom phiaj yog los txhawb kev sib tham, tsim zej zog, thiab siv tej yam hau kev uas yog ntau hom lus, yog yuav mus thoob ntiaj teb, thiab yog yuav siv ntau txoj kev tshawb fawb los xav txog Collaborative Indigenous Research.
The Justice-oriented Youth (JoY) Education Lab
Justice-oriented Youth (JoY) Education Lab yog ib qho kev sib koom muaj ob peb phaum ua ke tsim los ntawm Dr. Ayana Allen-Handy hauv School of Education nyob rau Drexel University, Philadelphia, PA. Qhov hauj lwm no mob siab ua kom cov txheej txheem tshawb fawb muaj kev sib txig sib luag. Yog li nws xav muab cov tub ntxhais hluas thiab cov zej zog kev xav saib kom tshwj xeeb. Xav kom qhov nov txhawb kev zoo siab, kom nyuaj rau kev tsim txom los ntawm teb chaws tej kab ke, thiab kom siv cov txheej txheem tshawb fawb uas txhawb kev coj noj coj ua.
Qee qhov kev pib uas tau tshwm sim los ntawm JoY Education Lab yog Black Girls STEAMing through Dance (BGSD) thiab West Philadelphia Community Dialogue Project, uas siv cov kev paub hauv zej zog thiab kev daws teeb meem los txhawb nqa cov neeg uas tau raug tsim txom thiab raug saib me.
Carleton-Faribault Qhov Hauj Lwm Sib Koom Tes
Qhov hauj lwm no yog ib qho kev sib koom tes ntawm Carleton College nyob hauv Northfield, Minnesota nrog rau lub zej zog nyob zej Faribault, Minnesota. Qhov hauj lwm no tau txais nyiaj los ntawm Corporation for National and Community Service (CNCS). Kaum xyoo tas los no, Faribault muaj pej zeem Latinx thiab Somali ntau dua qub, tab sis cov neeg qhia ntawv hauv Faribault tsis tau hloov los caum txog cov pej xeem, ua rau muaj kev nyuaj siab txog kev poob tsev kawm ntawv theem siab thiab kev kawm qib siab rau cov tub ntxhais kawm ntawv uas yog Latinx thiab Somali.
Kev sib koom tes cia rau cov niam txiv Latinx thiab Somali, cov tub ntxhais hluas, thiab cov tub ntxhais kawm ntawv nrog rau cov kws qhia ntawv uas yog neeg dawb thiab cov thawj coj los sau cov ntaub ntawv hais txog lawv cov kev paub nyob rau hauv Faribault. Tam sim ntawd lawv kuj tau koom tes nrog Carleton College cov neeg ua hauj lwm thiab cov kws qhia ntawv los kawm txog cov kev tshawb fawb thiab kev coj ncaj ncees. Qhov hauj lwm no siv cov ntsiab lus los ntawm YPAR, TAR, thiab CBPAR.
Cov Kev Pab
Nrhiav kev pab ntxiv, nrog rau cov hauj lwm ntawm no, tom peb nplooj ntawv hu ua “cov kev pab.”
