Neeg zej zog muab kev sib koom tes kawm coj los tsim ib txoj hau kev nqis tes hloov ntiaj teb
Minnesota Humanities Center pab txhawb coj cov tub ntxhais hluas kawm ntawv tom Carleton mus ncig xyuas thiab kawm txog Learning from Place: Bdote. Pem toj no yog Ethan Neerdaels, ib tug kws qhia ntawv es yog neeg Dakota, thiab tus xib fwb qhia ntawv tom Carleton hu ua Anita Chikkatur.
Participatory action research (PAR)
yog dab tsi?
“Kev tshawb fawb” yog ib txoj hauj lwm tshawb nrhiav kom paub ntxiv txog ib yam dab tsi. Lub hom phiaj yog xav tau kev txawj ntse los txhim daws kho tej teeb meem nyob rau hauv ntiaj teb. Participatory Action Research (PAR) txhais tau hais tias “kev sib koom tes tshawb fawb kom nrhiav tau ib txoj hau kev.” Nws lub hauv paus yog los ntawm txoj kev xav li no: Hauv ntiaj teb no muaj txhua txhua tus uas txawj ntse. Tab sis cov tib neeg es siv PAR ntseeg tau hais tias kev txawj ntse los ntawm cov xib fwb tshawb fawb nyob hauv tsev kawm ntawv qib siab thiab kev txawj ntse los ntawm neeg zej zog muaj nuj nqis thiab tseem ceeb ib yam nkaus. Yog li no PAR thiaj li yog ib txoj kev tshawb fawb es caw neeg zej zog los koom tes nrog cov xib fwb tshawb fawb. Yam zoo tshaj yog neeg zej zog pab taw kev, pab tsim tswv yim, thiab pab khiav tej yam dej num tshawb fawb.
Yuav siv lub website no li cas?
Ib pab pawg kws tshawb fawb hauv ib lub tsev kawm ntawv qib siab koom tes nrog ib cov kws tshawb fawb nyob hauv zej zog thiab cov pej xeem los tsim lub website no. Lawv npaj cov peev txheej no rau txhua leej txhua tus uas txaus siab tau siv PAR los khiav txoj hauj lwm tshawb fawb. Lub website no yog ua rau cov neeg hluas, cov xib fwb qhia ntawv nyob K-12, cov xib fwb qhia ntawv nyob rau tsev kawm ntawv qib siab, txhua leej txhua tus nyob rau hauv zej zog, cov koom haum tag nrho rau cov neeg khiav dej num thiab txhua tus neeg es xav tsa txoj kev coj ncaj ncees.
Yog tias koj tsis tau siv PAR dua li, pib saib ntawm thaj tsam hu ua Hais Txog PAR. Thaj tsam no yuav muaj lus piav txog PAR, nrog rau nws qhov keeb kwm thiab cov qauv los sis tej yam piv txwv uas siv PAR dua los lawm.
Yog hais tias koj xav siv PAR, thov caw koj mus kawm me ntsis ntxiv txog PAR ntawv thaj tsam hu ua PAR Muaj Peb Theem.
Hos yog koj xav pom xav paub hais tias siv PAR yuav zoo li cas tiag thiab yuav pab tau koj thiab koj haiv neeg li cas, thov caw koj mus saib thaj tsam hu ua Cov Peev Txheej. Yog hais tias koj ho xav kom paub tob tshaj no ntxiv thiab xav saib cov qauv hauj lwm uas siv PAR, mus saib ntawm thaj hu ua Resources Pages.
Thaum kawg no, yog hais tias koj xav hloov cov lus nyob hauv lub website no mus rau lws haiv neeg cov lus, koj cia li xaiv yam lus ntawd saum toj.
Saib daim video no yog xav paub siv lub website no.
